A área de deportes do concello convoca as subvencións deportivas

Nos próximos días, publicaranse as bases das subvencións para entidades deportivas para o fomento do deporte basee federado, referidos á tempada finalizada 2020/2021. O documento foi enviado ao Boletín Oficial da Provincia á espera de que se publique e as entidades poidan concorrer ás mesmas.

Como novidade, esta convocatoria ten como obxecto repartir a cantidade de 90.000 euros entre os clubs e entidades deportivas rexistradas no Rexistro de Entidades do Concello de Marín para subvencionar a súa actividade deportiva federada durante o prazo que comprende o 1 de xullo de 2020 ao 30 de xuño de 2021.

A cantidade habitual (45.000 eur) vese duplicada este ano debido a que a tempada pasada non foi posible sacar a convocatoria debido á pandemia.

Trátase por tanto de seguir na liña de apoio á actividade dos clubs, ben a través destas subvencións que se repiten cada ano así como o apoio para eventos e actividades deportivas que conta cun importe superior aos 200.000 euros no orzamento do 2021, recentemente aprobado. Todo iso sen esquecer, a mellora constante e mantemento das nosas instalacións deportivas, tales como o cambio de céspede artificial no Estadio Municipal de San Pedro, o arranxo da pista de tenis, melloras na Piscina Municipal así como nas diferentes canchas exteriores situadas nas parroquias de Marín.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies