Contacto | Tel.:986 88 03 00

A Policía Local sufoca un incendio causado nunha vivenda de Sete Espadas no Día de Reis

08 xaneiro 2021

A Policía Local conseguiu evitar unha traxedia maior a causa dun incendio que se produciu nunha vivenda de Sete Espadas no Día de Reis, ás 08.40 horas. Segundo informan fontes do corpo de seguridade municipal, recibiuse unha chamada da propietaria da vivenda na que se ocasionaron as lapas, que, tal e como se extrae das primeiras investigacións, foron causadas por unha manta eléctrica.

Dúas unidades da Policía Local acudiron ao lugar do suceso e accederon ao espazo no que estaba a orixe do incendio, que calcinou unha cama case por completo, afectando ao colchón e ao somier.

Os axentes desprazados até o lugar conseguiron sufocar practicamente as lapas ata a chegada dos Bombeiros do Morrazo, que extinguiron finalmente o incendio e extraeron o fume da vivenda. Grazas a esta rápida actuación dos axentes de Marín evitáronse danos maiores na vivenda.

Afortunadamente, non houbo que lamentar danos persoais.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies