Contacto | Tel.:986 88 03 00

A rúa Ezequiel Massoni contará con novo mobiliario urbano

O Concello de Marín está levando a cabo nos últimos meses unha serie de actuacións de acondicionamento e humanización das principais rúas e espazos públicos do municipio, tanto no centro urbano como no rural. O obxectivo é o de mellorar as condicións de uso destas áreas, permitindo que os seus usuarios, os peóns, poidan gozar máis comodamente deles.
Dentro desta liña, entra a nova actuación que o Concello presentou onte para a rúa Ezequiel Massoni, na que se mellorará o aspecto e a terminación das beirarrúas. O actual deseño das esquinas deste viario, que conta con moitas rúas adxacentes, facilita o estacionamento indebido por parte dos vehículos, xa que os bordos están rebaixados ao nivel da calzada.
Co fin de evitar estas situacións e mellorar o aspecto xeral da rúa, aportándolle un toque de cor, instalaranse unhas xardineiras lixeiramente elevadas con respecto ao pavimento, construídas en pedra granítica.
Segundo informou onte o Goberno municipal, as plantas contarán cunha rede de rego conectada á rede de abastecemento municipal e, no caso daquelas esquinas que conten cun espazo maior, engadirase á xardineira un banco, facilitando así o descanso e o encontro dos veciños que son usuarios desta rúa tan céntrica da vila.
De maneira pormenorizada, estas son as esquinas nas que está previsto colocar o novo mobiliario:
Esquina coa Travesía Jaime Janer, na marxe dereita
Esquina coa Barriada Salvador Moreno, na marxe dereita
Esquina que entronca cunha travesía que carece de nome, fronte á Barriada Salvador Moreno, na marxe esquerda
Esquina ca Rúa Souto, na marxe dereita
Encontro ca rúa Recamán, en ambas marxes
O presuposto global desta actuación ascende a 53.592,04 euros.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies