Contacto | Tel.:986 88 03 00

As Ampas dos centros educativos de Marín celebrarán por terceiro ano o seu Mercado MiniNadal

As asociacións de nais e pais dos centros educativos de Marín volven unir forzas este ano para organizar a terceira edición do Mercado MiniNadal, unha iniciativa que se suma á programación navideña que terá a vila durante o mes de decembro e que procura darlle visibilidade á labor das Ampas, que recadarán fondos para as actividades que organizan ao longo do ano, incluíndo as viaxes de fin de curso do alumnado.

O mercadiño colocarase na Alameda de Rosalía de Castro o día 13 de decembro, de 17.00 a 21.00 horas e nel poderán atoparse todo tipo de produtos, desde elementos decorativos típicos desta época do ano ata doces elaborados polos propios membros das Ampas, pasando por artesanía ou manualidades.

A concelleira de Benestar Social, Marián Sanmartín, reuniuse con representantes das asociacións de pais e nais de todos os centros educativos para perfilar os detalles e as necesidades de cara á organización do mercadiño, que aspira a colleitar o mesmo éxito que as últimas dúas edicións.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies