Contacto | Tel.:986 88 03 00

As coidadoras, colectivo ao que se lle adicará a conmemoración do 8M en Marín

A Sala de Xuntas do edificio consistorial acolleu a reunión do Consello Municipal da Muller, un órgano consultivo que conta con vogais de cada un dos partidos políticos con representación no Concello, con persoal técnico do CIM e Servizos Sociais e con representantes de asociacións veciñais e de mulleres.

Os puntos a tratar versaron sobre a conmemoración o próximo 8 de Marzo do Día Internacional da Muller. O acto institucional deste día será na praza do mesmo nome, ás 13.00 horas, con posibilidade de trasladalo ao Concello en caso de chuvia.

Un par de días antes, concretamente o xoves, día 5, repartiranse as tradicionais tazas cunha viñeta do debuxante Luis Davila, que sempre personaliza en función do colectivo de mulleres ao que se lle adica a conmemoración desta data.
Neste caso, o Consello decidíu adicar o 8M do 2020 ás coidadoras, nun senso amplo da palabra, tratando de englobar a todos os ámbitos. As mulleres que coidan a familiares, a fillos, a persoas dependentes, ás que traballan fóra da casa noutra profesión e ás que son amas de casa e teñen, ademais, a alguén ao seu cargo… “Aquí entran todos eses perfís”, asegurou a concelleira de Benestar Social, Marián Sanmartín.

Por outra banda, as participantes no Consello realizaron achegas para a declaración institucional que se lerá durante o acto oficial. Nela, incluiranse datos sobre a historia que hai detrás da conmemoración deste día e se realizará unha panorámica sobre a situación actual da muller na vila de Marín, especialmente en relación ao ámbito laboral e á repartición das tarefas domésticas e de coidado, para o que o Consello pedirá na declaración unha maior corresponsabilidade.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies