Contacto | Tel.:986 88 03 00

As obras de humanización da Rúa Estrada arrancarán esta semana

A Rúa Estrada é un dos viarios máis céntricos da vila marinense, colindando ca Policía Local e o Concello. A súa fisionomía, dun ancho medio actual en torno aos 11 metros, incluíndo o estacionamento nas dúas beiras, caracterízase polas beirarrúas estreitas.
Por iso, dentro da estratexia do Goberno local de mellorar a mobilidade e a comodidade do peón no centro urbano, levarase a cabo esta obra de humanización, financiada nun 70% pola Xunta de Galicia, ao abeiro do convenio de colaboración firmado a inicios deste ano entre a alcaldesa, María Ramallo, e a conselleira de Medio Ambiente, Ángeles Vázquez.
Tal e como se pode ler na memoria do proxecto, con esta actuación “trátase de ir consolidando zonas do centro urbano con características que faciliten a convivencia e a mobilidade dos veciños, puidendo exportar nun futuro este modelo ás rúas adxacentes”.
A reordenación do vial basearase na eliminación dun dos carrís de estacionamento, concretamente o da marxe esquerda, gañando desta forma espazo para aumentar as beirarrúas.
Desta maneira, as beirarrúas pasarán a contar cunha amplitude de 2.70 metros en ambas marxes. A calzada tamén contará con 3.30 metros de espazo, cun único carril de circulación, respectando o actual fluxo rodado do viario.
Tamén se renovarán os servizos municipais de saneamento e as luminarias, que pasarán a ser eficientes enerxeticamente.
Está previsto que os traballos poidan comezar esta semana, para ir avanzando nunha humanización que mellorará moito a imaxe deste céntrico viario.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies