As palmeiras do Paseo Alcalde Blanco serán reubicadas en distintos puntos do municipio

10 febreiro 2021

O Paseo Alcalde Blanco, que se atopa en plena transformación, avanza nas súas obras a bo ritmo. A remodelación deste espazo suporá a recolocación de parte das palmeiras que se atopan actualmente no paseo, para outros puntos do municipio.

Segundo explicou hoxe a concelleira de Parques e Xardíns, Cristina Acuña, “estes exemplares estanse retirando por necesidade dos traballos das obras”. Aqueles que non queden no paseo, colocaranse noutros espazos. “Moitos deses exemplares reubicarémolos en Cantodarea, no Parque Azul”, adianta a edil.

Tal e como explica Acuña, neste espazo “xa hai este tipo de árbores, incluso foi necesario no seu día retirar algúns que foran afectados pola praga do picudo”. Deste xeito, este espazo, no que hai un parque infantil e as pistas de skate, e, polo tanto, é moi utilizado e gozado pola veciñanza, volverá contar con exemplares de palmeiras.

Outros exemplares que sexan retirados do Paseo serán colocados noutros espazos, como o viario de praias, onde tamén existen exemplares deste tipo de árbore.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies