Batida de melloras e traballos de mantemento para as praias despois da época estival

22 setembro 2021

Os areais de Marín están a ser obxecto dunha importante batida de limpeza e mantemento, que é preciso levar a cabo despois da presión de usuarios que reciben durante a época do verán. Estes traballos estanse a levar a cabo por parte dos operarios da Fundación Juan XXIII.

Con este tipo de accións conséguense dous obxectivos. Por unha banda, manter en bo estado todos os servizos que se ofrecen nos areais e, por outra, incentivar a inserción laboral de persoas con discapacidade como as que forman parte da fundación.

Por outro lado, desde o Concello lembran que, cumprindo coa normativa, ata o día 30 de setembro non poderán baixarse cans ás praias entre as 12.00 e as 20.00 horas. A partir do 1 de outubro, xa será posible acceder con eles a calquera hora.

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies