Contacto | Tel.:986 88 03 00

Campaña de Escavación e Consolidación no Castro da Subidá

Dende a pasada semana se ven desenvolvendo no castro de A Subidá unha nova campaña de escavación e consolidación, promovida polo Concello de Marín. Este ano os obxectivos da actuación son solucionar os problemas de conservación do celeiro escavado e consolidado o pasado ano, e continuar avanzando no coñecemento desta aldea da idade do Ferro, ao tempo que se amplía a superficie exposta ao público.

A canle de control e drenaxe de augas pluviais coa que conta o celeiro, está alterada nun dos seus tramos pola acción das raíces das árbores. Así, cortouse un gran piñeiro que medrou sobre o muro e se está escavando este sector, para logo retirar o toco da árbore e consolidar a estrutura. Ao final da actuación se poderá contemplar en toda a súa extensión este celeiro e a súa canle perimetral, un lugar onde hai máis de 2.000 anos os habitantes do castro almacenaban trigo, cebada, landras e outros alimentos que formaban parte da súa dieta. A escavación tamén está rexistrando unha canteira tradicional de granito, que alterou gravemente o xacemento arqueolóxico, pero que tamén da conta dos usos do monte da cultura tradicional galega.

Esta nova actuación na Subidá é consecuencia da aposta municipal por este xacemento arqueolóxico coma recurso cultural e turístico de Marín, e xa incluído con éxito en roteiros e visitas guiadas conxuntas co Centro de Interpretación dos Petróglifos de Mogor, dous xacementos arqueolóxicos senlleiros do Morrazo e das Rías Baixas, separados a penas uns centos de metros.

Vídeo 360 escabación Castro de A Subidá:

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies