Contacto | Tel.:986 88 03 00

Curso ESO de Empregamarín II.

O sábado día 31 de outubro deron comezo as clases presenciais preparatorias para a obtención do título da ESO para adultos por parte daqueles participantes no programa integrado de emprego EMPREGAMARÍN II que así o solicitaron. As clases desenvolveranse nas instalacións da Academia Ensino de Marín, e terán lugar, nun inicio, durante este mes de novembro, os sábados pola mañán para non coincidir coas outras accións formativas que se están a levar a cabo durante a semana, e únicamente ao remate das mesmas poderán trasladarse as sesións a un día da semana a acordar entre o centro e o alumnado.

 

Cómpre lembrar que a finalidade última do programa integrado de emprego Empregamarín II é a de posibilitar a integración laboral de persoas demandantes de emprego con dificultades para acceder a unha ocupación no mercado laboral, e coa obtención da titulación da ESO mellorarán ostensiblemente a sua empregabilidade aqueles que, pola causa que fora, non poideron obtelo no seu momento. O perfil dos participantes no programa integrado é diverso, e foron un total de quince os que solicitaron tomar parte neste curso preparatorio, é dicir, unha cuarta parte do total de participantes.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies