Humana recuperou en Marín cerca de 24.000 quilos de roupa no que vai de ano

Humana Fundación Pueblo para Pueblo recuperou 23.466 quilos de téxtil usado en Marín durante o primeiro semestre de 2021, para darlles unha segunda vida a través da reutilización e da reciclaxe. Ese é o dato que aporta a organización e que representa un aumento do 27,7 % respecto aos primeiros seis meses do ano pasado, cando se recolleran 18.370 quilos de roupa.

“Estas máis de 23 toneladas equivalen a 105.000 prendas cuxa xestión, que permitirá alongar a súa vida útil, implicará un dobre beneficio: ambiental, porque reduce a xeración de residuos e evita que acaben nun vertedoiro, e de recuperación do residuo textil”, explican desde a fundación.

Ademais, destacan o beneficio social que supón ter activa esta iniciativa, grazas á creación de emprego verde. “Humana xera un emprego indefinido por cada 30.000 quilos de roupa recollida”, explican, ademais de destinar parte dos recursos obtidos a proxectos sociais.

Desde o Concello de Marín apostan por seguir fomentando esta boa práctica, poñendo a disposición da cidadanía este tipo de colectores en sitios céntricos e de fácil acceso, que faciliten a reciclaxe de roupa, impulsando deste xeito a reutilización dos recursos e a economía circular.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies