Saúda do alcalde
Os marinenses somos plenamente conscientes de que Marín comeza unha nova etapa, un novo ciclo caracterizado por unha decidida aposta pola modernidade, a diversificación económica e a mellora das infraestruturas.
Neste contexto, estamos a redobrar esforzos para aplicar as novas tecnoloxías da información e da comunicación ó servizo do cidadán, construíndo un novo porto aberto a Internet. É un proceso que aínda comezamos agora e que irá desenrolándose pouco a pouco.
O Concello quere aproveitar nun futuro este importante instrumento para facer unha aproximación ó cidadán que abra un novo modo de ofertar servizos municipais e acercalo a cada casa.
Temos un especial interese por manter unha continua mellora de contidos para ampliar e facilitar a cada navegante o seu percorrido pola nosa Administración local. Será un proceso longo, pero espero que moi frutífero. Dende este espazo queremos explicar a cada visitante os servizos, os proxectos e o modelo de cidade no que estamos a traballar. Invítolles a unha visita virtual na que poderán percorrer, mirar e consultar todo o que atinxe a nosa vila, comprobando o xa dito con anterioridade e confiando que sexa do gusto de todos.
O alcalde,
Francisco Andrés Veiga Soto
Concello de Marín - Avda de Ourense s/n Tlf: 986 88 03 00 Fax: 986 88 20 13