Iníciase o expediente de contratación para urbanizar Travesía República Arxentina

3 agosto 2021
A Xunta de Goberno Local aprobou o inicio do expediente de contratación do proxecto para a urbanización da Travesía República Arxentina, que comunicará as rúas República Arxentina e Inferniño, o que suporá un importante cambio no urbanismo da zona e na mobilidade urbana.

Na actualidade o ámbito presenta dúas situacións moi diferentes. Por unha banda, o extremo leste, que entronca coa rúa República Arxentina atópase completamente urbanizada e edificada. Este tramo de 44 metros de lonxitude atópase pavimentado e conta con beirarrúas en ambas marxes e todos os servizos urbanísticos (alumeado público, rede de saneamento e pluviais, abastecemento, enerxía eléctrica,
telecomunicacións e subministro de gas). A rúa executada remata nun muro que separa o ámbito urbanizado do regato e das fincas sen urbanizar.

O tramo de rúa de nova apertura está composto por tres parcelas en estado de semiabandono, con cascallos e peches metálicos provisionais. As dúas zonas están separadas por un regato, que no seu extremo norte está canalizado baixo o solo urbano e cara sur permanece a ceo aberto.

A inversión da apertura do novo viario ascenderá a 256.407,09 euros, para a que se solicitará unha subvención ao Plan Concellos da Deputación de Pontevedra.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies