Contacto | Tel.:986 88 03 00

Medidas adoptadas polo Comité de Saúde e Seguridade ante a situación sanitaria provocada polo coronavirus

Ante a situación de propagación do Covid-19, o Concello de Marín tomará unha serie de medidas, en paralelo ás anunciadas pola Xunta de Galicia esta mesma mañá e co obxectivo de con- ter os contaxios, sempre desde a calma e desde a responsabilidade colectiva ante este panora- ma sanitario excepcional.
Para tomar estas medidas, convocouse de urxencia un Comité de Seguridade e Saúde, que estivo conformado polos tres delegados de prevención designados pola Xunta de Persoal, tres re- presentantes do Goberno local, nas persoas da alcaldesa, María Ramallo, e os concelleiros Manuel Santos e Marián Sanmartín, e a delegada de Fremap que xestiona as cuestións relacionadas ca prevención no Concello de Marín.

Peche de centros públicos
Como primeiras medidas de anticipación preventiva, o Concello anuncia o peche temporal de:
– O Museo Manuel Torres
– A Biblioteca Municipal Vidal Pazos e Aula CeMit
– A Casa de Cultura de Seixo e a de Mogor
– Escola Municipal de Música
– A Cámara Agraria
– O Local Social de Cantodarea
– As instalacións de Cultura na Rúa Méndez Núñez (onde actualmente están ubicadas as oficinas do ARI)
– O Local do Parque Azul
– O Local Social da Cañota
– O Local Social de Pardavila
– O Local da Barriada de Mogor
– As instalacións deportivas
– Os locais da Finca de Briz

Medidas preventivas para o persoal do Concello
Colocáronse guías explicativas nos espazos públicos do Concello cas indicacións xerais de hixiene recomendadas polas sociedades científicas e o Ministerio de Sanidade.
Tamén se porán a disposición do persoal do Concello dispensadores de solución hidroalcohólica. A plantilla deberá reforzar as medidas de hixiene realizando lavados de mans frecuentes, así como cumplir cas medidas xerais cando se dean episodios de tos e de estornudos.

Manteranse tamén limpos e desinfectados os equipos e utensilios de traballo, reforzarase a limpeza diaria, tendo maior precaución nas zonas de maior contacto co público.
Con respecto ás citas que estaban concertadas con algúns departamentos, aconsellarase á cidadanía a utilización de medios telemáticos e telefónicos sempre que sexa posible, ou de cancelalas se é que se pode.
Na medida na que sexa posible e con previa solicitude, poderá instaurarse o teletraballo.
Comunicación á cidadanía
Tanto a web oficial do Concello de Marín como as redes sociais publicarán todas as recomendacións dirixidas á cidadanía e toda a información relativa ao coronavirus que afecta ás institucións a nivel local.

Actos de marzo e abril: aprazados

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies