Contacto | Tel.:986 88 03 00

MEDIO AMBIENTE E O CONCELLO DE MARÍN AVANZAN NAS LIÑAS DE COLABORACIÓN PARA A FUTURA CONSTRUCIÓN DO NOVO AUDITORIO MUNICIPAL

A conselleira de Medio Ambiente, Territorio e Vivenda, Ángeles Vázquez, mantivo unha reunión de traballo coa alcaldesa de Marín, María Ramallo, de cara a retomar as liñas de colaboración do departamento autonómico coa administración local para impulsar a construción do novo auditorio municipal.

A alcaldesa marinense avanzoulle á conselleira que, despois de todo o proceso de elaboración de pregos e de licitación desta obra, o equipo de arquitectos que resultou gañador do concurso xa está a rematar o proxecto definitivo do Auditorio, que será entregado oficialmente no Concello nas vindeiras semanas.

Tal e como indicou a conselleira de Medio Ambiente, a construción de novos equipamentos nos concellos é un dos obxectivos do Plan hUrbe. Polo que, unha vez que se conte co proxecto definitivo, Xunta e Concello impulsarán un convenio de colaboración económica co que garantir a materialización desta infraestrutura cultural.

Ambas responsables coincidiron en sinalar que unha colaboración destas características facilita poder ofrecer a nivel municipal un mellor e máis amplo abano de servizos públicos para a veciñanza e que contribúe a revitalizar o tecido sociocultural de Marín, que precisa dunha infraestrutura acorde á demanda e á oferta de contidos culturais da cidadanía. Ademais, a construción do Auditorio enmárcase nunha rehumanización global da zona, redundando nunha mellora deste espazo urbano de uso público.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies