Contacto | Tel.:986 88 03 00

O Centro de formación a Aixola retoma a súa actividade

O centro de formación A Aixola, con sede no Porto de Marín, retomará a actividade formativa no mes de agosto, cunha oferta de mais de 2.100 horas de formación en oito novos cursos cun cento de prazas dirixidas a alumnado do sector pesqueiro. Ademais dos oito cursos de diferente temática vinculada á pesca e que oscilarán entre as 70 e as 350 horas lectivas, a oferta de A Aixola complétase con varios módulos formativos nas áreas de emprego e prevención de riscos laborais que completarán a preparación do alumnado beneficiario.

Está prevista inicialmente a posta en marcha dun curso de laminado manual en poliéster para pezas de uso en acuicultura e construción naval de 300 horas de duración e con 15 prazas e outro de formación de formadores para o certificado profesional de confección e mantemento de artes e aparellos (70 horas e 12 prazas).

A partir de setembro, se impartirán as formacións das áreas de instalacións mecánicas e eléctricas (mecánica básica de motores en embarcacións menores, de 150 horas, electricidade e hidráulica básicas aplicada ao buque, de 275 horas), os cursos da área de velería e pneumáticas (velaría e acastillaxe, de 350 horas, e reparación de embarcacións pneumáticas, de 300 horas), e a formación conducente ao certificado profesional de confección e mantemento de artes e aparellos (330 horas). Cada un deles ofertará 12 prazas. Finalmente, na área de madeira, organizarase un curso de elaboración e instalación de cubertas de madeira en embarcacións menores, de 300 horas e 15 prazas.

Todo o alumnado do centro completará a súa formación cos módulos de prevención de riscos laborais, e poderá participar na formación para busca de emprego e autoemprego, así coma a titorías de apoio para o mellor seguimento da formación.

A Aixola, dependente da Consellería do Mar, ven sendo xestionada polo Centro Tecnolóxico do Mar-Fundación CETMAR dende 2004 en instalacións da Autoridade portuaria de Marín e Ría de Pontevedra. A súa actividade formativa está dirixida a pescadores e mariscadoras, operadores do sector pesqueiro e cónxuxes dos pescadores autónomos e mariscadoras, así coma a aquelas persoas con formación para traballar no sector pesqueiro.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies