Contacto | Tel.:986 88 03 00

O CIM segue atendendo por teléfono todas as citas e xestións das súas usuarias

O CIM de Marín é un dos servizos públicos catalogados como esenciais e que, polo tanto, seguirán prestando o seu labor de maneira intensa e prioritaria durante a vixencia do estado de alarma.

Segundo explican desde o organismo municipal, as citas que xa estaban establecidas entre as técnicas e as usuarias están a manterse, aínda que utilizando os medios telemáticos e telefónicos.

“Ademais, estamos en constante contacto con todas as mulleres que son usuarias do CIM, máis alá de que tiveran cita ou non, para saber máis do seu estado e da súa situación e, sobre todo, para darlles apoio e axuda psicolóxica no caso de que a precisen”, asegurou a directora do CIM, Marián Sánchez.

O teléfono habitual do CIM, o 986 89 18 02, segue funcionando no seu horario habitual e atende a todas aquelas persoas que precisen resolver dúbidas ou consultar co persoal, así como o 900 400 273, que está activo as 24 horas. Por suposto, tamén están en funcionamento o 016 e o 091.

Unha das cuestións que máis está a notar a directora do CIM son as dificultades que moitas das usuarias teñen para presentar documentación de maneira telemática. “Antes de que se decretase o estado de alarma, estabamos en trámites de presentación de solicitudes de axuda e outras cuestións”, afirma Sánchez. Nalgúns casos, a dificultades para realizar eses trámites de maneira telemática radica na inexistencia de medios para facelo e, noutros, na falta de coñecementos.

Por iso o CIM habilitou un número de teléfono destinado a ser utilizado vía Whatssap, para que aquelas mulleres que o precisen poidan remitir mediante unha fotografía a documentación que teñen que presentar para seguir adiante coas súas solicitudes.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies