O Concello desvela os gañadores do XVI Premio de Narración Curta do Concello de Marín

13 maio 2021
O XVI Premio de Narración Curta do Concello de Marín xa ten gañadores. A Concellaría de Cultura
informou esta mañá das persoas que recibirán os premios deste certame, que cada ano se celebra polo Día das Letras Galegas e que vai alternando narración curta e poesía nas súas edicións.

Este ano, o premio na categoría de adulto, que supón 1.000 euros de retribución, recaerá sobre a Alicia Rodríguez Massó, pola súa obra “A chamada”.

No ámbito infantil, no que se repartirán lotes de material escolar, a primeira categoría ten tres premiados. O primeiro premio será para Adriana Cambeiro Méndez, do CEP Sequelo, polo texto “O sombreiro”. O segundo premio recaerá no alumno tamén do Sequelo, Abel Garrido Dasilva, pola creación “O pequeno extraño”. O terceiro premio será para Iván Pazos Blanco, por “Pepiño”, alumno do San Narciso.

Na segunda categoría, o primeiro premio será para o alumno tamén do San Narciso, Doel Nogueira Veiga, pola obra “Todo o revés”. O segundo premio recaerá na estudante deste mesmo centro Noa López Giménez, por “O avó máxico”. Finalmente, o último premio desta categoría acabará nas mans de Álvaro Tomé Miguélez, do CEP Sequelo, polo seu texto titulado “O Misterio”.

A tercera categoría da modalidade de centros escolares pechouse só co primeiro premio, entregado a Zoe Martínez Riobó, do Sequelo, por “A protectora das palabras”.

Desde o Concello e o xurado, conformado pola escritora Fátima Álvarez González; o bibliotecario do Concello de Bueu, José Ramón Núñez, e a bibliotecaria do Concello de Cangas, María Pilar Refojo; valoraron moi positivamente a alta participación e o elevado nivel das propostas recibidas este ano.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies