O Concello impulsa un proxecto de mellora do camiño de Arealonga-O Marco

O camiño de Arealonga – O Marco, na parroquia de San Xulián, será obxecto dunha importante actuación, anunciada esta mañá pola Concellería de Medio Rural, coa que se mellorarán as condicións de habitabilidade desta zona, grazas á mellora dos servizos municipais de saneamento, abastecemento e accesibilidade.

Para iso, levarase a cabo unha intervención de obra que consistirá na instalación das tuberías adicadas a estes fins, que conectarán con acometidas domiciliarias residuais separativas e de abastecemento.

Con esta obra tamén se renovará o pavimento desta estrada e se realizará un desbroce e limpeza de todo o terreo, retirando a maleza e o material de refugallo que se poida atopar.

Este proxecto xa está adxudicado á empresa Construcciones Vale SL por un importe total de 37.954,56 euros (IVE incluído), que terá un prazo máximo de execución de dous meses.

O concelleiro de Medio Rural, Pablo Novas, considera “moi importante” a realización desta obra, “dado que dotará, como non podía ser doutra forma, a esta zona dos servizos básicos e de alta calidade que debemos ofrecer desde o Concello”.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies