O Concello inicia a inspección de terrazas para renovar as autorizacións de ocupación do espazo público

7 abril 2021

A concelleira de Medio Ambiente, Marián Sanmartín, acompañada dunha técnico municipal e dunha axente da Policía Local, iniciou esta mañá a inspección das terrazas da hostalaría, coa finalidade de xestionar cos hostaleiros a renovación da autorización e cotexar con eles a ocupación do espazo público coas mesas e cadeiras.

Tal e como explica a concelleira, os hostaleiros deben pedir esta renovación para toda a súa terraza en situación normal, é dicir, coa ocupación do espazo do que dispoñen sen ter en conta ningún tipo de limitación.

Desta maneira, sobre este número de mesas será sobre o que se aplicarían as restricións de aforo que marque a normativa sanitaria vixente en cada momento, que  a día de hoxe só permite poñer o  75%.

Ademais, en todo momento tense en conta a necesidade de compartir de xeito harmonioso o espazo público, permitindo que en ningún momento os veladores afecten ao tránsito peonil.

Sanmartín explicou que estiveron “lembrándolles ao hosteleiros a necesidade de ir presentando a documentación necesaria para aqueles que aínda non tramitaron esta renovación”. Aos que xa fixeron ese traballo, hoxe xa se lles trasladaron algunhas das autorizacións actualizadas.

Por outra banda, o Goberno local segue traballando na modificación da ordenanza que regula a instalación de veladores, co obxectivo de facer máis cómoda e boa a estancia dos clientes nelas, xa que será o espazo máis utilizado na hostalaría nos vindeiros meses e co obxectivo tamén de homoxeneizar a estética.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies