Contacto | Tel.:986 88 03 00

O Concello inicia o período de podas en diversas zonas do municipio

O Concello de Marín iniciou a pasada semana os traballos de podas das árbores de diversas zonas do municipio, uns traballos que se estenderán ao longo das próximas semanas, dado que se farán en fases e sempre tendo en conta as condicións climatolóxicas, para garantir a seguridade dos traballadores.

As primeiras árbores que foron podadas son as do viario de Portocelo, onde se actuou sobre os plataneiros, os carballo americano e os arces. Ata alí se desprazaron recentemente as concelleiras Marián Sanmartín e Cristiña Acuña, para supervisar o avance dos traballos.

Outras zonas públicas nas que serán podadas as árbores son a Alameda Rosalía de Castro, incluíndo a zona do parque infantil; barriadas como A Cañota, San Pedro ou Banda do Río, a urbanización de Virxe do Camiño e a Rúa Jaime Janer, o Parque Eguren, as rúas de Ezequiel Massoni, Doutro Touriño e a Rotonda das Anclas,a Finca de Briz ou os centros educativos de Ardán e de Viñas Brancas, entre outras.

Asemade, realizaranse podas en diversos puntos do rural, como Mogor, Sete Espadas, Resille, Igrexario ou O Campo.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies