Contacto | Tel.:986 88 03 00

O Concello presenta un plan de axuda social específico para mulleres vítimas de violencia machista con dificultades para afrontar gastos de primeira necesidade

A situación epidemiolóxica da COVID19 supuxo un importante pau económico para moitas familias, especialmente para aqueles colectivos máis vulnerables. Ante ese escenario, o Concello traballou na toma de medidas de carácter social coas que paliar, ao máximo posible, o impacto da crise nas familias que máis necesidades teñen no municipio.

A concelleira de Benestar Social, Marián Sanmartín, e o tenente alcalde, Manuel Santos, mantiveron esta mañá unha reunión coa directora do CIM, Marián Sánchez e coa asesora xurídica, Clara Rodríguez, co obxectivo de traballar tamén na axuda específica a mulleres vítimas de violencia de xénero.

Nesa liña, lanzase o Programa Municipal de Asistencia, Axuda e Protección para mulleres vítimas de violencia de xénero e as súas familias que non poden facer fronte á cobertura de situacións vitais e de bens de primeira necesidade.

O orzamento global do programa ascenderá a 5.000 euros e beneficiará a cerca de 100 casos considerados de emerxencia tanto polo CIM como polo departamento de Servizos Sociais, que de xeito conxunto traballaron na definición daquelas mulleres que máis precisan desta axuda. O cargo orzamentario realízase no marco do Pacto de Estado pola Violencia de Xénero do Ministerio de Igualdade.

A prestación do servizo realizarase a través das ONGs que participarán no programa, que son Voluntarias de la Caridad San Vicente de Paul, SOS, Asociación Solidaria Sor Elvira e Amenac. Coa súa intermediación, será máis sinxela a organización das axudas.

Ademais, o gasto en alimentos deberá realizarse na Praza de Abastos de Marín e nos pequenos establecementos de alimentación da vila, de tal forma que se poida apoiar ao pequeno comercio da localidade, que tamén sufriu as consecuencias económicas do confinamento, e porque así tamén se garante a cobertura eficaz e inmediata das necesidades das familias beneficiarias.

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies