O Concello presenta un proxecto de rehabilitación do pavimento para once camiños rurais

07 febreiro 2021

A mellora das infraestruturas viarias no rural é un eixo de traballo fundamental para o Goberno local, consciente da necesidade de ofrecer servizos de calidade a toda a veciñanza do termo municipal.

Dentro dese traballo, o concelleiro de Medio Rural, Pablo Novas, vén de presentar o proxecto elaborado polo Concello para a pavimentación de 11 camiños rurais en diversas parroquias, para o que se calcula unha inversión de 228.362,48 euros, que se solicitará ao Plan Concellos da Deputación.

En total, realizarase unha mellora no pavimento de cerca de 2,7 km, rehabilitando o firme e resolvendo problemas estruturais presentes no mesmo como gretas, deformacións… Ademais, crearanse cunetas naqueles camiños onde haxa máis complicacións coas augas pluviais. Asemade, haberá unha adaptación á rasante dos rexistros de alcantarillado cando sexa posible e se realizará unha sinalización horizontal dos bordes laterais da calzada.

Concretamente, os camiños nos que se actuará serán os seguintes:

Parroquia Camiño
San Xián Arealonga
Carballal
Mogor Agrovello
Cividanes
Seixo San Blas (Aguete)
O Campo Currás
Santomé de Piñeiro Fixón
Silvestre-Troncosa
Miñán
Ardán Os Tombos
Os Picotes

 

O Concello espera que poidan comezar a executarse os traballos a partir do segundo semestre do ano.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies