Contacto | Tel.:986 88 03 00

O Goberno Municipal aprobou a adxudicación do contrato para o desenvolvemento dunha plataforma de administración dixital

O Goberno Municipal aprobou en Xunta de Goberno Local a adxudicación do contrato mixto para o desenvolvemento dunha plataforma para unha administración dixital para o Concello de Marín ademais da adquisición de equipamento para a súa correcta implantación.

As medidas a realizar son a posta en marcha dun sistema de soporte da administración dixital do Concello, a adquisición do equipamento para esta cuestión e a adquisición de diferentes sistemas de almacenaxe e servidores.

O Contrato divídese en tres lotes: implantación e posta en marcha do sistema de soporte, a adquisición do equipamento e a adquisición de servidores, almacenamento e backup cun custo total de 285.832,45 € sendo as empresas adxudicatarias GTE Soluciones para o primeiro dos lotes e Internacional Periféricas y Memorias de España para os lotes 2 e 3.

Esta actuación esta cofinanciada nun 80% polos fondos FEDER da Unión Europea  no marco do programa EDUSI Marín 2020.

A estratexia Marín 2020 responde a un modelo que pretende mellorar a calidade urbana e a calidade de vida da poboación marinense e, ao mesmo tempo, a funcionalidade e a organización do sistema urbano da vila.

Estas medidas de mellora da administración dixital do Concello están encadradas no obxectivo da EDUSI Marín 2020 buscando mellorar a competitividade da vila favorecendo a progresiva implantación da Administración electrónica e dos mecanismos de participación e transparencia a través da implantación da e-gobernanza.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies