Contacto | Tel.:986 88 03 00

O lugar de Castro contará con máis puntos de luz no seu alumeado público, que será renovado na súa totalidade

13 marzo 2021
O Concello de Marín traballa intensamente para dotar a toda a veciñanza, tanto do casco urbano como do rural, de servizos públicos de calidade. Por iso, realiza importantes inversións en materia de renovación, mantemento e outras cuestións relacionadas co alumeado público, o saneamento, o abastecemento…
Nesta ocasión, o concelleiro de Medio Rural, Pablo Novas, avanza que se levará a cabo unha renovación e mellora da instalación do alumeado público exterior no lugar de Castro, unha “moi boa actuación”, nas palabras do edil, dado que é importante reforzar este servizo naqueles lugares onde a instalación estea máis deteriorada e de tal xeito que se siga traballando na estratexia de renovación de luminarias que se está levando a cabo en todo o municipio.
Esta obra suporá unha mellora da eficiencia enerxética de toda a instalación, substituíndo as fontes de luz actuais por luminarias de tecnoloxía LED. Tamén se renovarán todos os brazos metálicos xa existentes, e que se atopan nun avanzado estado de deterioro, e o cableado. Pero ademais reforzarase a dotación deste servizo, coa colocación de novos puntos de luz, que terán poste, brazo e luminaria.
A licitación da actuación xa está en marcha e está previsto que ao longo da próxima semana o Concello adxudique os traballos é empresa correspondente. O prazo que terán de execución da actuación é de 45 días e esta será financiada cunha baixa do Plan Concellos, tal e como se trasladou no último Pleno da Corporación.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies