Contacto | Tel.:986 88 03 00

Presentadas as actividades deportivas do plan Xogade

O Servizo de Deportes da Xunta de Galicia en Pontevedra mantivo hoxe unha reunión na sala de xuntas do Concello de Marín cos concelleiros Antonio Traba e Antonio Caíña, e representantes dos centros educativos da vila, para presentar as actividades deportivas nas escolas incluídas no plan autonómico Xogade da Xunta.
Entre as actividades que se realizarán no presente curso, dirixidas fundamentalmente á ensinanza primaria, destacan as probas de piragüismo, de cross e de atletismo en pista. Os representantes da Xunta explicáronlles aos mestres como funciona a clasificación destas probas de cara a campionatos.
Pola súa banda, o Concello de Marín aproveitou para presentar as dúas grandes actividades que organiza cos escolares de toda a vila:
O Campionato de Remo escolar Ergómetro, que será o 15 de novembro e celebrará a súa terceira edición
A Carreira Botón de Ancla, organizada xunto coa Escola Naval e na que poden participar nenos desde primeiro de Primaria ata segundo de Bacharelato. O ano pasado, esta proba reuniu a máis de 1.500 rapaces. Este ano será o 22 de maio.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies