Contacto | Tel.:986 88 03 00

Sinalización Lagoa de Castiñeiras

O Concello de Marín cambia os paneis informativos da Lagoa de Castiñeiras

A Lagoa de Castiñeiras mellora a súa imaxe para a campaña de verán.

O Concello acaba de investir e mellorar a sinaléctica da Lagoa de Castiñeiras no territorio pertencente ao concello marinense, cambiando os paneis informativos das dúas zonas das comunidades de Montes de San Xulián e Santomé.

O goberno local continúa a súa política de mellorar e investir recursos para recuperar o espazo do Lago de Castiñeiras como un dos pulmóns verdes e de esparexemento dos e das marinenses e das persoas que o visitan, tras a instalación o ano pasado de dous novos asadores.

Ademais este ano o Concello substituíu a varanda de madeira e agora cambiou os paneis informativos de madeira, mellorando a infraestrutura e a información dos paneis destacando tres eixos centrais: información sobre o que se atopará no lago, a sinalización e mapa do lugar e un terceiro eixo que é a sinalización do “carreiro verde” estreado a principios do mes de xuño co programa de Marín en Ruta e que pasou a estar sinalizado permanentemente, acompañado de códigos QR para que poida ser descargado en dispositivos móbiles.

O investimento foi de algo máis de 5.000 €.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies