Un proxecto solidario permitirá impulsar proxectos de desenvolvemento coa reciclaxe de material escolar

Un proxecto solidario permitirá impulsar proxectos de desenvolvemento coa reciclaxe de material escolar

7 outubro  2021

Reciclaxe solidario para coidar o planeta e apoiar proxectos en países en vías de desenvolvemento. Ese é o obxectivo da campaña lanzada polo CPR Inmaculada e na que colabora o Concello de Marín. A concelleira de Educación, Marián Sanmartín, acompañou ao equipo docente na presentación da iniciativa, que se terá distintos puntos de recollida na vila.

O obxectivo é conseguir reciclar material escolar: bolígrafos, rotuladores, fluorescentes, marcadores, lapis mecánicos, correctores e estilográficos que se consumen día a día. A empresa Terracycle será a encargada da xestión deses residuos, de tal xeito que por cada 20 kg de material escolar reciclado, créanse puntos canxeables por cartos para a ONG Misevi.

Esta organización non gubernamental pon en marcha en Angola e Bolivia proxectos educativos e de apoio a mulleres e a outros colectivos desfavorecidos.

Tal e como informaron hoxe na rolda, haberá tres puntos de recollida do material: no propio CPR Inmaculada, na entrada do Concello e na entrada da Biblioteca Pública Vidal Pazos.

Por outra banda, a iniciativa está aberta a outros centros educativos, que poden rexistrarse na campaña escribindo un email a oficina.proyectos@misevi.es.

 

 

Anterior O expediente de nomeamento como fillo predilecto de Blanco Freijeiro xa está dispoñible para consultar

WEBS ASOCIADAS

CONTACTO

Avda. Ourense s/n

2022 Concello de Marín. Todos los derechos reservados