Contacto | Tel.:986 88 03 00

A Biblioteca Vidal Pazos afina o seu protocolo para a celebración de actividades culturais

A Concellaría de Cultura leva estas últimas semanas traballando na elaboración de protocolos específicos para a utilización dos espazos culturais da vila, de tal xeito que cando estes acollan algún tipo de actividade poida facerse con todos as normas de seguridade, prevención e hixiene derivadas da crise sanitaria da Covid19 e asumindo todas as facilidades para poder levar un estrito control dos asistentes.

Protocolo

As concelleiras Beatriz Rodríguez e Itziar Álvarez, acompañadas do concelleiro de Novas Tecnoloxías, Hugo González (que tamén elaborou un protocolo para a Aula Cemit) e da delineante do Concello, visitaron o salón de actos da Biblioteca Municipal Vidal Pazos, na que haberá un protocolo específico para cando sexa imposible acceder con anterioridade aos datos dos asistentes a un acto.

Este espazo, onde se desenvolven gran parte das actividades culturais de Marín, ten un aforo limitado de máximo 30 persoas sentadas no público e de dous poñentes na mesa principal. Dado que a limpeza dos locais farase nos días e horarios establecidos antes da Covid19, non se poderán facer cambios nos días e horarios sen autorización por parte da Concellaría de Cultura, non podendo acceder a dito local outros días nin horas das autorizadas.

Tal e como acontece noutros espazos, a asociación ou organización responsable do evento deberá anotar os datos de identificación e de contacto das persoas asistentes ao acto, para poder levar un control de seguemento e rastrexo exhaustivo no caso de que se dera algún caso positivo en Covid19.
Ademais, tal e como se recolle no anexo que se pode descargar no protocolo (colgado na web do Concello), o organizador asignará a cada persoa un asento numerado, que será rexistrado xunto cos seus datos, para coñecer en todo momento quen se senta ao lado de cada quen e así poder facilitar o traballo de seguemento aos servizo sanitarios.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies