Contacto | Tel.:986 88 03 00

A Federación Galega de Tenis de Mesa presenta no San Narciso a oferta desta disciplina nas Escolas Deportivas

O pavillón do San Narciso reuniu hoxe pola mañá a centos de escolares, que puideron gozar dunha exhibición do máis alto nivel de tenis de mesa, unha disciplina que este ano ofértase por primeira vez nas Escolas Deportivas Municipais.
A Federación Galega de Tenis de Mesa quixo inaugurar as clases, que comezan hoxe pola tarde e que serán todos os venres da tempada, de 17.30 a 19.30 horas, nestas instalacións. Por iso, diversos integrantes da selección española e da galega que compiten neste deporte xogaron varias partidas diante dos escolares.

“Un dos nosos técnicos virá hoxe para axudar no arranque das clases”, informou o presidente da federación, José Luis Cabaleiro, que acompañou aos concelleiros Antonio Traba e Antonio Caíña, e ao xefe do Servizo de Deportes da Xunta de Galicia en Pontevedra, Daniel Benavides, na presentación de hoxe.
Entre outras cousas, a Federación expuxo todo o realizado ao abeiro do seu proxecto “O camiño do tenis de mesa”, unha iniciativa realizada polo Xacobeo 2021, co que promocionar o tenis de mesa a nivel social, cultural e deportivo utilizando como catalizador o Camiño Portugués.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies