Contacto | Tel.:986 88 03 00

A humanización de Concepción Arenal, unha aposta pola mellora da mobilidade urbana e peonil

A Rúa Concepción Arenal xa estrea, de xeito definitivo, a súa nova imaxe. A profunda humanización que se desenvolveu neste viario en dúas fases a través dun convenio entre a Consellería de Infraestruturas e o Concello, supón un cambio importante na fisionomía desta vía de comunicación.
Beirrarúas máis amplas, mellor trazado dos carrís de tráfico e renovación de todos os servizos de saneamento e do mobiliario urbano, incluíndo a iluminación, que agora cumpre cos estándares de eficiencia enerxética. Eses foron os eixos desta obra, que vén a continuar o traballo do Goberno local de mellorar a mobilidade en todo o espazo público.
A alcaldesa de Marín, María Ramallo, paseou esta mañá pola rúa coa conselleira de Infraestruturas, Ethel Vázquez, aproveitando a súa visita ao Concello para informar da posta en marcha da Tarxeta Xente Nova, destinada ao transporte público e da que tamén se poderá beneficiar a mocidade de Marín, que poderá solicitala nas oficinas de Abanca de Estribela, Jaime Janer e Seixo con cita previa e que entrará en funcionamento a partir do día 15.

Renovación do colector xeral
Por outra banda, a alcaldesa informou de que recentemente reanudáronse as obras de renovación do colector xeral na Avenida de Ourense, un proxecto “fundamental para o saneamento da nosa ría”, enmarcado no plan de Augas de Galicia para a mellora do ecosistema fluvial pontevedrés.
Os traballos atópanse na cuarta fase de execución e está previsto que poidan rematar definitivamente neste verán. De xeito paralelo, a alcaldesa incidiu na necesidade de que os concellos “traballen por mellorar as súas redes” e por iso todas as humanizacións de rúas, como a recén rematada Concepción Arenal ou a que vén de iniciarse na Rúa Estrada, comportan tamén a substitución das redes de saneamento, para instalar redes separativas.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies