Contacto | Tel.:986 88 03 00

A viñeta do #8M recórdanos que hai que ter “coidadiño!” cos coidados

A concelleira de Igualdade e Benestar Social, Marián Sanmartín, acompañada do persoal do CIM, presentou esta mañá a viñeta que ilustrará o Día Internacional da Muller na vila de Marín. Realizada un ano máis polo ilustrador Luís Davila, a viñeta pon en valor o traballo das mulleres coidadoras en todos os ámbitos, colectivo ao que este ano se lle adica o #8M en Marín.

Como xa é tradicional, o Concello repartirá tazas con esta viñeta o xoves, día 5 de marzo, no Mercado Municipal, polas rúas adxacentes. No caso de choiva, farase dentro do mercado. O obxectivo deste reparto é recordar á cidadanía a programación para o día 8 e visibilizar, a través do humor e da creatividade gráfica, a necesidade da corresponsabilidade dos coidados entre homes e mulleres.

Ese mesmo día 5, a Biblioteca Municipal acollerá ás 19.30 horas a proxección do filme “Concepción Arenal, a visitadora de cárceres”, co gallo do 200 aniversario do nacemento desta figura imprescindible do feminismo. Esta actividade realízase ca colaboración da Xunta de Galicia e terá entrada de balde.

Xa o mesmo día 8M, serán varias as actividades incluídas dentro da programación. Por unha banda, a primeira hora da mañá sairá a andaina de 15 quilómetros solidaria en favor da AECC, que rematará ás 12.00 horas na Alameda.

Unha hora máis tarde, a partir das 13.00 horas, será o acto institucional. Se o tempo o permite, celebrarase na Praza 8 de Marzo, senón moverase ao Salón de Plenos do Concello. Neste acto, lerase a declaración institucional e intervirán diferentes mulleres para aportar a súa testemuña como coidadoras. Finalmente, a partir do mediodía tamén se poderá degustar o Bolo do Pote na Alameda, unha tradición gastronómica mantida no tempo polas mulleres de Marín.

“Mans coidadoras”

Por outra banda, a entrada do Concello acollerá a exposición “Mans coidadoras”, unha mostra fotográfica ca que visibilizar a labor que realizan todas estas mulleres coidadoras, especialmente de persoas maiores.

Asimemo, os centros educativos participarán deste #8M con todo o material didáctico enviado polo CIM. A mocidade recibirá tamén un caderno conmemorativo deste día, ilustrado ca viñeta de Davila.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies