Contacto | Tel.:986 88 03 00

Aberto o prazo para solicitar un dos cen composteiros individuais de Sogama

A Concellaría de Medio Ambiente, dirixida por Marián Sanmartín, informou de que os composteiros individuais de Sogama chegarán á vila marinense a principio do próximo mes. Concretamente, as unidades repartiranse o luns, 10 de febreiro, ás 19.30 horas, na Casa de Cultura de Seixo.

Aqueles veciños e veciñas que teñan interese en adquirir un composteiro individual deberán presentar unha solicitude no Concello a partir de hoxe. Pódese facer de maneira presencial, nas oficinas de Alcaldía, en horario de mañá, ou escribindo un email a alcaldia@concellodemarin.es.

Será necesario indicar nome e apelidos, DNI e teléfono de contacto, e haberá que acudir o luns día 10 ao acto de recollida. Un requisito indispensable para poder gozar dun composteiro será estar empadroado no Concello de Marín.

Este é o segundo ano que o Concello reparte, a través de Sogama, estas unidades de compostaxe individual. “Repetimos debido ao enorme éxito que tivo o ano pasado esta iniciativa”, asegurou a concelleira.

O modelo da compostaxe está xa instalado na vila para quedarse. Nestes momentos, ademais desta modalidade individual, Concello e Deputación traballan conxuntamente para instalar composteiros comunitarios no Sequelo, na Cañota e en Mogor.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies