Acemas presenta unha nova campaña comercial con regalo seguro durante tres meses

18 marzo 2021

A concelleira de Comercio, Cristina Acuña; a presidenta e o tesoureiro de Acemas (Asociación de Comerciantes Marín Sur), Cristina Souto e Manuel Solla, presentaron no  Mercado de Abastos de Seixo unha nova campaña de dinamización comercial impulsada desde a asociación e que pretende, durante tres meses, impulsar as ventas nos establecementos da parroquia e das zonas contiguas.

“Primavera de premios e agasallos” é o lema desta campaña, que se iniciará este sábado, coincidindo coa ponte de San Xosé e que, tal e como se dixo, durará tres meses. A partir de compras superiores a 10 euros, os marinenses ou visitantes que fagan as súas compras en Seixo poderán conseguir unha tarxeta regalo sorpresa, tipo rasca, na que se agocha un premio seguro.

E cales poden ser os premios? 1 xamón, 10 lotes con diversos produtos gastronómicos, 40 botellas de viño e 120 premios en cheques regalo con descontos nas compras dos establecementos asociados a Acemas.

Con esta iniciativa, na que colabora o Concello, a asociación pretende dinamizar o consumo de xeito directo na zona para poder conseguir que a economía local siga chea de vida.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies