Contacto | Tel.:986 88 03 00

Actuación na Lagoa de Castiñeiras

Comezaron os traballos para selar as gretas do Lago de Castiñeiras.
A concelleira de Medio Ambiente, acompañada polo técnico municipal, trasladouse ata alí, para ver os traballos de evacuación das especies animais que habitan nela, e os inicios da obra de selado das grietas.

O primeiro foi vaciar a lagoa de peixes e outras especies, para así evitar o seu sufrimento o quedar sen auga, polo que na tarde de onte se procedeu por parte do Servizo de Conservación da Xunta de Galicia de Pontevedra a realización de pesca eléctrica e se recolleron preto de 50 quilos de especies exóticas e invasoras, coma o cangrexo americano, carpíns e carpas, e tamén 48 troitas do país. Na mañá de hoxe, unha vez que o nivel de auga e a altura do lodo, non permitiu xa traballar con pesca eléctrica, comezouse por debaixo da presa, a facer tres filtros con redes para poder coller as especies que saían polo propio desaugadoiro para o seu traslado.

As especies exóticas ou invasoras serán eutanasiadas para evitar que sexan verquidas noutros regatos e provoquen catástrofes naturais, mentres que as troitas do país están sendo trasladadas ao río Loira e outras serán gardas para repoboar a Lagoa de Castiñeiras unha vez rematen as obras, e así poder volver a ter un coto de pesca nun período breve de tempo.

Mentres tanto xa se está comezando cos traballos do muro, facendo unha gabia perimetral á zapata para formigonar e tentar evitar as fugas que se producen e así frear as fisuras.

O Concello de Marín, co visto bo das CCMM de San Xulián e Santomé, é o encargado de desenvolver as obras, que contan co informe favorable de Augas de Galicia.

O lago Castiñeiras é un lago artificial, feito nos anos 50, realizando un pequeno encoro con pedras unidas con algún tipo de conglomerante; dita represa non se puido inspeccionar ó estar totalmente cuberta por unha estrada local aglomerada, polo que as fugas ou desaugadoiro de fondo incontrolados entre as pedras da base da represa, son as que ata agora deixaban o Lago sen apenas capa de auga cada verán.

As obras consisten no picado do morteiro das xuntas de pedras e retirada de entullos a vertedoiro controlado, limpeza do lodo do fondo a 2 m. do muro para poder realizar o selado da zapata, chorreo do muro con auga a presión, escavación de gabia nas dúas cabezas onde remata o muro de contención e o formigonado das ditas gabias coa correspondente armadura para a construción do muro de formigón, acaroado ó muro de pedra existente.

Estes traballos durarán sobre dúas semanas, polo que a urxencia das obras é realizala xusto antes de que comecen as choivas.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies