Adxudicada a reforma para a posta en marcha dun Centro de Día público

11 agosto 2021
A Xunta de Goberno Local aprobou unha das adxudicacións máis
relevantes en materia de atención social na nosa vila nos últimos anos.
A empresa Coviastec será a encargada de executar as obras de reforma da
primeira planta da Casa do Mar, que pasará a converterse nun Centro de Día
público, gratuito y pensado para ofrecer un servizo de calidade á poboación da
terceira idade de Marín.
Esta obra, que suporá unha inversión de case 240.000 euros, estará cofinanciada
en algo máis dun 66% pola Consellería de Política Social, a través do Consorcio
Galego de Servizos de Igualdade e Benestar.
A aportación que se corresponde cos fondos propios do Concello, que ascenderá
a 100.000 euros, farase con cargo ao Remanente de tesourería do Concello, xa que
o Goberno local o considera unha inversión esencial para a vila.
Un espazo moderno e funcional para a poboación de Marín
A Casa do Mar foi cedida ao Concello por parte da Tesourería da Seguridade Social
co obxectivo de garantir, por parte do Goberno municipal, a cobertura pública da
asistencia da terceira idade.
Con estas obras de acondicionamento, está previsto dotar ao futuro Centro de Día
dunha ampla sala de usos múltiples, así como doutras dependencias: un espazo
de rehabilitación, outro para o lecer, cociña e lavandería.
O prazo de execución da obra será de 8 meses.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies