Contacto | Tel.:986 88 03 00

Alter Saúde entrega ao Concello o diñeiro recadado para as ONGs na súa campaña solidaria

04 xaneiro 2021

A concelleira de Benestar Social, Marián Sanmartín, recolleu esta semana na clínica Alter Saúde o cheque resultado da campaña solidaria que o establecemento puxo en marcha durante o Nadal, en colaboración co Concello, para recadar fondos para as ONGs da vila.

A acción solidaria desenvolveuse entre o 7 e o 18 de decembro, dúas semanas durante as que o centro destinou un euro de cada servizo de fisioterapia, podoloxía, estética, adestramento e nutrición que se realizou a este fin benéfico.

En total, recadáronse 423 euros, unha contía que se repartirá de xeito proporcional entre todas as asociacións marinenses.

A concelleira, en nome de todo o Concello, quixo “agradecer enormemente a Alter Saúde a súa iniciativa solidaria, chea de cariño e que responde a esa sensibilidade que temos todos nestes momentos cos tempos que toca vivir”.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies