Contacto | Tel.:986 88 03 00

Céltiga homenaxeará a Manuel Torres na primeira exposición que acollerá o Museo tras a súa reapertura

A concelleira Itziar Álvarez e as pintoras Inés Pampín e Patricia Otero, acompañadas do membro de Céltiga Richard Pazos, presentaron esta mañá a exposición de óleos “Nalgures na Galicia”, unha mostra que se inaugurará o día 1 de xullo e poderá visitarse no horario do Museo até o 15 de xullo.

Esta actividade está enmarcada nos actos do Ano Torres, xa que suporá “unha auténtica homenaxe” para o artista de Marín, “porque reproducimos escenas que el pintaba, pero adaptándoas ao estilo que nos caracteriza”.

O obxectivo, segundo as artistas, é o de recrear esa Galicia e ese Marín dos anos 40 e 50 que viviu Manuel Torres, que coñeceu e que quixo plasmar na súa inolvidable obra. “Haberá escenas costumbristas do mundo marítimo, do campo…”.

A técnica predominante da exposición será o óleo pero a asociación artística xa adianta que “haberá sorportes moi chamativos e novidosos, porque queriamos ser orixinais e plantexar unha exposición diferente”.

A mostra estará 15 días aberta ao público no Museo Torres, que conta con todas as medidas de prevención e seguridade adaptadas á nova normalidade: control de aforos, dispoñibilidade de xel hidroalcohólico, obligatoriedade no uso de mascarillas, itinerarios trazados no chan…

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies