Marín aspira a conseguir tres distintivos de calidade Q para as súas contornas máis singulares

Marín aspira a conseguir tres distintivos de calidade Q para as súas contornas máis singulares

O atractivo turístico que ten Marín é unha das súas maiores fortalezas económicas, patrimoniais e culturais. Pero non é abondo con gozar das contornas das que dispón de xeito natural o municipio, senón que é preciso traballar no seu coidado, na súa mellora e na dotación dos servizos e recursos necesarios para que os destinos conten cunha calidade turística elevada.
Nesta liña está a traballar o Concello, tal e como se evidenciou na reunión mantida esta mañá entre a alcaldesa, María Ramallo, e as concelleiras de Medio Ambiente, Marián Sanmartín e de Turismo, Cristina Acuña, ca directora técnica do Instituto para la Calidad Turística Española, Maricruz Cádiz Gómez.
Nesta sesión de traballo, valoráronse tanto propostas realizadas por este organismo, coma outras expostas polo Concello para conseguir o distintivo Q de calidade turística, que foron, concretamente, a Finca de Briz, o Lago Castiñeiras e as praias. Esta proposta de certificación deriva do interese que mostrou o Concello no plan “Galicia apostando pola calidade”, xestionado pola Xunta de Galicia e que pretende conseguir o maior grao de satisfacción posible da experiencia turística nos diversos municipios da comunidade galega.
O obxectivo é poder converter enclaves en “espazos públicos singulares”, distintivo que, en ningún caso, é incompatible coa tramitación do ENIL (Espazo Natural de Interese Local) que se está a levar a cabo para Castiñeiras nin con outras distincións como as Bandeiras Azuis ou o EMAS.
As representantes do Goberno local acompañaron á directora a coñecer estes enclaves, sobre os que o Instituto elaborará un informe co que lle recomendará ao Concello realizar algunhas actuacións relativas, sobre todo, á mellora das instalacións, da xestión e dos servizos.

Anterior A Rúa Concepción Arenal estreará a súa nova imaxe global a mediados do mes de abril

WEBS ASOCIADAS

CONTACTO

Avda. Ourense s/n

2022 Concello de Marín. Todos los derechos reservados