Marín pedirá renovar o distintivo de Bandeira Azul para os seus areais e solicitará o de Centro Azul para o Museo Torres

A concelleira de Medio Ambiente, Marián Sanmartín, informou de que o Concello xa enviou a solicitude para que na temporada do ano que vén as praias da vila conten de novo coa certificación de Bandeira Azul, que xa ostentan os cinco areais do municipio: Portocelo, Mogor, Aguete, Loira e O Santo. En todas as praias, ademais, conseguiuse un nivel da calidade da auga excelente.

No que respecta aos centros azuis, volverá solicitarse a distinción para o CIP de Mogor e para o Ateneo Santa Cecilia, que xa conta con ela, e, como novidade, solicitarase para o Museo Torres, “pola gran cantidade de actividades e charlas que alberga este espazo”.

Sanmartín explicou que este verán foi necesario tomar algunhas medidas extraordinarias pola situación sanitaria, algunhas que simplemente se activaron nese momento e outras que se manterán de cara a vindeiros anos, como foi a eliminación das papeleiras. “Era unha medida que xa nos solicitaban desde a Adeac e que consideramos que funcionou moi ben, dado que a veciñanza foi moi colaboradora depositando o lixo nos colectores que hai fóra das praias”.

 

EMAS

Por outra banda, o Concello xa recibiu esta mañá a solicitude de inscrición no Rexistro EMAS da Xunta de Galicia, polo que en breve xa poderán renovar este distintivo ambiental.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies