O Concello aplica as melloras recomendadas pola Adeac na súa inspección de Bandeiras Azuis

Portocelo, Aguete, Mogor, Loira e O Santo son os areais da nosa costa que contan coa distinción da Bandeira Azul, un certificado de calidade medioambiental que outorga a Adeac (Asociación de Educación Ambiental y del Consumidor), que cada ano realiza unha inspección para comprobar que se cumpre con todos os requisitos necesarios para renovar, verán tras verán, este importante distintivo.

Segundo explicou esta mañá o Concello, despois de recibir a valoración da inspección realizada este ano nos areais, xa se levaron a cabo aquelas melloras solicitadas pola entidade medioambiental, que estaban sobre todo orientadas a cuestións de sinalizacións e da dotación de algunhas unidades de reposto de determinados materiais relacionados co servizo de Salvamento e Socorrismo.

Ademais, o Concello asegura que de cara ao ano que ven renovaranse algúns dos paneis para actualizar datos que quedan obsoletos e adecuaranse as medidas tomadas.
ADEAC recomendou ao Concello a eliminación definitiva das papeleiras dos areais e deixar só as do paseo, tal e como se fixo este ano pola Covid 19. O Concello mostrou a súa conformidade neste tema, e agradece a excelente acollida dos usuarios, xa que a resposta foi moi satisfactoria.

Unha inversión constante na xoia natural do municipio

Todos os anos, o Concello realiza unha inversión nas praias para mantelas no mellor estado posible, tanto a nivel medioambiental como no que respecta á prestación de servizos durante a época do verán.

Este ano, o esforzo económico aumentou considerablemente, dadas as necesidades que derivaron da crise sanitaria da Covid19, que supuxo a toma de novas medidas, como a intensificación das limpezas ou a posta en marcha dunha ferramenta de control en tempo real do aforo dos areais.

Con estas novas medidas, a inversión deste ano ascendeu a cerca de 300.000 euros.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies