A praga do picudo continúa activa na nosa comunidade autónoma e por iso o traballo de seguemento, tratamento e vixiancia dos exemplares de palmeira no municipio é vital para evitar a perda de exemplares.
Así o entende a concelleira de Parques e Xardíns, Cristina Acuña, que informou esta mañá de que as palmeiroas do Paseo de Portocelo están sendo obxecto destes tratamentos “para continuar coa súa protección frente a este animal”.
Segundo explican desde Arbogal, empresa adicada a esta labor no Concello, o tratamento máis efectivo para a loita contra o picudo é a endoterapia, que consiste na irrigación do producto fitoterápico homologado na árbore, quedando 12 meses protexida.
A maiores e para mellorar a prevención, realízanse dúas “duchas” ao ano con este producto, que reforza a súa acción nos exemplares de palmeira. Tal e como indican pos técnicos, o éxitro deste producto tamén radica na súa nula toxicidade para terceiros.
Estes tratamentos lévanse aplicando nas palmeiras de Marín (tanto nas de Portocelo como nas do Parque Eguren e a Alameda) algo máis de tres anos, conseguindo así preservar moitas das palmeiras que embelecen o espazo público municipal.
