Contacto | Tel.:986 88 03 00

O Concello habilita un novo aparcadoiro disuasorio nas inmediacións do CEIP Carballal

O Concello vén de rematar a habilitación dunha parcela como aparcadoiro público ao lado do CEIP Carballal. Esta nova área de estacionamento disuasorio súmase ás oito que xa existen no resto de casco urbano (Ponte Zapal, a zona portuaria á Praza de España, República Argentina, Inferniño, Concepción Arenal, Sagrada Familia, Barriada de Suboficiales e Jaime Janer) e sumará arredor de 50 novas prazas.

Este aparcadoiro era unha importante demanda da comunidade educativa do Carballal, dadas as escasas prazas que se atopaban até o momento nas inmediacións do centro e que provocaban, entre outras cousas, que o profesorado tivera que aparcar dentro do propio colexio.

Dadas as circunstancias nas que nos atopamos, nas que a crise sanitaria esixe a readaptación da actividade lectiva para cumprir coas normas de prevención e hixiene fronte ao coronavirus, o aparcadoiro permite desconxestionar de coches a explanada de entrada ao centro, aparcando os profesores no novo aparcadoiro público.

Deste xeito, tal e como informou esta mañá o Concello, conséguese liberar espazo da instalación académica para que poida ser utilizado como un patio extra para o alumnado.

Ademais, como tamén se consegue desconxestionar o espazo que nas entradas e saídas do centro ocupaban outros vehículos aparcados, facilítase o tránsito por esta zona, especialmente durante este curso, no que existe un protocolo específico para o acceso ao colexio.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies