O Concello incentiva a contratación de 17 persoas para desempeñar labores de peón e conserxería e como apoio a diversas áreas municipais

10 abril 2021

O Concello de Marín informou  da recente contratación de 10 peóns e 3 conserxes, para reforzar a prestación de determinados labores a nivel municipal. Para esta contratación, o Concello solicitou á Deputación de Pontevedra unha subvención de 113.288,50 euros, con cargo á Liña 3 do Plan Provincial de Obras e Servizos (Plan Concellos) do 2021, unha contía á que o Concello sumará unha porcentaxe de fondos propios.

Por outra banda, renováronse os contratos durante 6 meses máis a catro persoas que estaban en activo grazas ao programa O Teu Primeiro Emprego. Trátase de titulados medios e superiores que están a desenvolver funcións nas áreas municipais de Informática, Urbanismo, Tesourería e Persoal.

O Concello explica, ademais, que neste tipo de contratacións solicitarase a incorporación de persoas procedentes do RISGA, para que, aínda que estean cobrando esta prestación, poidan ter unha oportunidade laboral compatible.

 

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies