Contacto | Tel.:986 88 03 00

O Concello informa da necesidade de utilizar os medios electrónicos para a presentación de documentación

As administracións públicas avanzan na súa integración dixital e por iso as normativas tamén esixen que os trámites que deben realizar as persoas e as asociacións das localidades sexan feitas por vía telemática, deixando para pequenas cuestións as presentacións físicas de documentos no Rexistro.

Así acontece tamén no Concello de Marín, que recorda que a Lei 3/2015, do 1 de outubro, do procedemento administrativo común das administracións públicas recolle no seu artigo 14.2 aqueles suxeitos que están obrigados a utilizar medios electrónicos nas súas relacións co Concello.

Segundo este artigo, eses suxeitos son os seguintes:

– As persoas xurídicas
– As entidades sen personalidade xurídica
– Quen exerza unha actividade profesional para a que se requira a colexiación obrigatoria (dentro dos que se inclúen notarios e rexistradores da propiedade e mercantís)
– Aqueles que representen a un interesado que estea obrigado a relacionarse electronicamente coa Administración

Desta maneira, o Concello quere lembrarlle ás asociacións e colectivos da vila que precisen presentar algunha documentación ou solicitude, deben contar co certificado dixital correspondente para poder tramitar a presentación da documentación.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies