Contacto | Tel.:986 88 03 00

O Concello informa dos novos prazos de pago voluntario das taxas municipais e das recadacións, que volven activarse tras a súa suspensión temporal polo Estado de alarma

O Concello de Marín informou esta mañá de dúas resolucións de Alcaldía relativas á reanudación dos períodos de pago das taxas municipais e das recadacións, no marco da desescalada do estado de alarma e da volta á normalidade das medidas que se tomaron de xeito extraordinario para facer fronte á crise sanitaria da Covid19.

No que respecta ao imposto de vehículos de tracción mecánica e á taxa por ocupación da vía pública con reserva de aparcadoiro exclusivo, fixouse como nova data de remate do período voluntario de pago o 31 de agosto de 2020.

Ademais, o departamento de Tesourería informou que xa se comezarán a enviar aos domicilios correspondentes o documento de pago actualizado cos novos prazos para que poidan proceder no abono do tributo.

Por outra banda, é sabido que desde o 1 de xuño recuperouse a vixencia dos prazos administrativos que foron suspendidos. Desta maneira, reanúdase a posta ao cobro das taxas e dos prezos públicos, polo que se pon en funcionamento de novo toda a tramitación para os procedementos de xestión tributaria e recadación.

Primeiro, cumplirase co calendario de pagos previsto e despois, á súa finalización, poranse ao cobro as fraccións pendentes dos meses de marzo, abril e maio con periodicidade mensual.

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies