Contacto | Tel.:986 88 03 00

O Concello inicia a campaña de limpeza e desbroce no rural

Coa chegada da primavera, o Concello inicia unha nova campaña de limpeza e desbroce dos viarios do rural, para cuxa execución contarase cunha brigada da Fundación Juan XXIII. O seu labor, que se centrará nos camiños e viarios estreitos, será complementado cun tractor desbrozador do Concello.

O desbroce manual xa comezou a finais da semana pasada, namentres que a finais de maio iniciará o seu traballo un tractor desbrozador contratado externamente por un importe de 17.424 euros e que estará destinado á limpeza das estradas e pistas que unen parroquias e lugares cun alcance de 80 quilómetros, complementando así aos desbroces manuais executados por Juan XXIII.

Segundo explicou o concelleiro de Medio Rural, Pablo Novas, “a planificación dos traballos responde a criterios de necesidade”, que este ano estarán en todo momento suxeitos ás recomendacións e indicacións das autoridades sanitarias, por mor da crise pandémica do coronavirus.

No seguinte enlace pode consultarse de xeito concreto o mapa coas zonas de desbroce por cada mes:

MAPA DESBROCES 2020

Contando coa colaboración da Fundación Juan XXIII, o Concello segue traballando na inclusión das persoas con discapacidade, mostrando “porta a porta” aos veciños de Marín as capacidades deste colectivo de poboación. “Deste xeito, coa calidade do traballo que levan a cabo e coa visibilidade que lles ofrecemos como traballadores, en Marín está a mudar a visión das discapacidade”, asegura Novas.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies