Contacto | Tel.:986 88 03 00

O Concello inviste máis de 48.000 euros na renovación e mellora da eficiencia enerxética da estrada Vilaseca-O Pazo

O Concello de Marín traballa na mellora da iluminación en todos os puntos do municipio, tanto no casco urbano como no rural. Dentro desta liña de traballo, encádrase a execución dunha das últimas inversións que pecharán o 2020 para o Concello, que ten que ver coa renovación integral do alumeado público da estrada Vilaseca – O Pazo, na parroquia de Ardán.

Esta actuación, que se está a executar nestes momentos, supón unha inversión de 48.300 euros e divídese en dous tramos. Por unha banda, no tramo de Vilaseca, está a renovarse a instalación e estanse colocando novos puntos de luz para facer máis extensa a rede de alumeado.

No que respecta ao tramo do Monte de Víos, estase a instalar un novo alumeado, xa que non se contaba con este servizo neste tramo.

En total, en todo o proxecto, renovaranse 20 puntos de luz e instalaranse outros 21 novos para reforzar a seguridade viaria en toda a zona.

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies