O Concello lembra o cambio de horario para poder baixar os cans á praia

5 abril 2021

Os nosos areais son espazos naturais de enorme beleza. Cada vez máis, animada polo bo tempo, a veciñanza acode a eles para gozar do seu tempo libre. Por iso, o Concello quere lembrar que existen unha serie de medidas para garantir o respecto e o uso de todos e todas destes espazos que é preciso cumprir.

Con respecto aos cans, o Concello lembra entre o día 1 de abril e o 14 de xuño estará prohibido baixar co can á praia entre as 12.00 e as 20.00 horas. Nos meses de xullo e agosto, e tamén parte da primeira quincena de setembro, estará prohibido baixar coas nosas mascotas á praia a calquera hora.

Cando chegue o 16 de setembro e ata o 30 dese mesmo mes estará activo de novo o horario restrinxido, que impedirá estar co can no areal entre as 12.00 e as 20.00 horas. E a partir de aí, de novo, volve poder baixarse durante todo o día.

Ademais desta cuestión, desde o Concello procúrase manter o noso medio ambiente limpo e sempre mantendo o respecto pola contorna. Ese é un traballo que será preciso realizar entre todos para manter as nosas praias limpas.

 

A punto de chegar as botelliñas para os ouriños dos cans

Por outra banda, o Concello anunciou esta mañá que a partir desta semana comezarán a repartirse as botelliñas para os donos e donas de cans da vila co lema “Limpa o pisete nun periquete”, enmarcado na campaña impulsada polo Goberno local para a limpeza dos ouriños nas rúas.

Poderán recoller o material todas aquelas persoas da vila marinense que teñan censado ao seu animal no rexistro municipal. Desde o Concello lembran que isto é un trámite de obrigado cumprimento, así como ter actualizados os datos do animal, polo que pode ser un bo momento para revisar esta cuestión.

Estes días informarase do punto de recollida e do horario das botelliñas.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies