Contacto | Tel.:986 88 03 00

O Concello prepara a posta a punto dos areais marinenses

Os areais marinenses son un gran atractivo turístico e a xoia medioambiental do Concello e precisan dun mantemento e un coidado continuado para que estean nas súas mellores condicións de cara ás épocas con máis afluencia de xente, como é Semana Santa ou a propia estación estival.

Precisamente para facer unha diagnose do paso do inverno e das necesidades de mellora en cada un dos areais, as concelleiras Cristina Acuña e Marián Sanmartín fixeron unha revisión ao longo do viario de praias, para coñecer os danos causados polo paso do tempo e polas condicións meteorolóxicas destes últimos meses nalgúns casos, ou polo vandalismo, noutros.

De maneira conxunta, levaranse a cabo traballos de limpeza en toda a cartelería, aínda que nalgúns casos as pintadas e os estragos causados por vándalos impiden a limpeza dos paneis e obrigan á súa restitución.

Tamén se levarán a cabo de maneira xenérica limpezas e desbroces nas marxes dos areais, así como limpeza e baleirado dos colectores e papeleiras que o precisen.

A nivel particular, no caso de Portocelo limparanse e acondicionaranse os soportais que hai baixo o viario de praias e en Mogor recuperarase a area movida polo paso dos meses para mellorar o acceso baixo as escaleiras que dan á praia.

Ambas concelleiras aseguran que é “primordial” levar a cabo estes traballos con tempo abondo para que os areais poidan estar en bo estado de cara á chegada da primavera.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies